WILLEMSTAD.- E reakshon pa e presentashon di Ozuna i Plan B ta ‘Hot’ i den tur e euforia pa bishita e konsierto e publiko a pidi pa un ‘VIP Elite’ i Color Events ta kumpli ku e petishon.

Aparte di e sekshon general i VIP tin awor tambe un ‘VIP Elite’, un sekshon eksklusivo dilanti stage kaminda bo por reserva un mesa pa 6 persona.

Pa ‘VIP Elite’ bo ta risibi un mesa di koktel VIP pa 6 persona, tin un ‘welcome drink’, 1 boter di bebida premium di bo eskoho, 1 boter di ‘sparkling wine’ kortesia Brandsimex, 1 snek di bon bini, servisio di boter (na kosto adishonal), VIP Elite parking pa 2 outo i un line up ku presentashon di Ozuna, Plan B i artistanan lokal.

‘Furia Latina’, e konsierto ku dia 4 di november proksimo riba luga di parker di Sambil tei presenta un dje idolonan di momentu pa loke ta trata ‘trap’ i ‘reggaeton’, Ozuna i e duo di Reggaeton Plan B, ambos artistanan Puertorikeño.

Karchi pa Furia Latina ta optenibel su sekshon general ta optenibel na Mensing’s Caminada, 24 uur uit de muur, Beep Beep Rio, Butterfly na Sambil i na Say Cheezz riba Winston Churchillweg.

Karchinan di VIP i VIP Elite ta optenibel na Butterfly na Sambil of bo por yama 511-0703 of manda un email na colorevents74@gmail.com

Pa mas informashon riba “Furia Latina” bishita e página di Facebook: Curacaocolorevents.