WILLEMSTAD —  Resientemente tabata tin un tremendo konsierto ku a keda organisá na Sambil, kaminda e públiko  a bini huntu pa disfrutá di e músika ofresé pa Freewinds. E agrupashon musikal ku a toka bou di bandera di The Way to Happiness.  Den un mundu yena ku miseria i lamento, e artistanan kier a plama e mensahe di felisidat i alegria. Presentando huntu ku the Freewinds Band tabata tin dos artista internashonal, esta Michele Henderson di Dominica i Fausto Miño di Eduacdor ku a pone e públiko di algu mas ku shen persona bati man i te hasta baila den e gangnan di e sentro komersial.

Hende di tur edat a uni ku otro den un vibrashon positivo ku e konsierto aki tabata bringa. “Te hasta un persona di 86 aña ku ni por a resistí ku a lanta  i baila”, asina un hòmber a bisa. Durante di e konsierto a parti e bukinan The Way to Happiness ku a keda tradusí na papiamentu spesialmente pa hendenan di Antia. E último kansion tabata unu na papiamentu, pa ser eksakto Wow’i Kariño kantá pa Michele Henderson a toka kurason di entre otro Sra. Orfita ku a keda ta hasi so for di sala. Hopi otro persona a bisa ku nan a keda sorprendí pa e forma ku e konsierto a tuma lugá.

The Freewinds Band na e momentunan aki ta promoviendo The Way to Happiness, a bin ta entretené e pueblo di Kòrsou pa kasi 30 aña. Pa sa mas di The Way to Happines, bai riba  www.thewaytohappiness.org.