KRALENDIJK- Sèptèmber 2014; Durante dos siman largu Digicel a hasi bishita na Krèsh Chikitin Bin Bin komo parti di e proyekto komunitario ‘Bario Ekstraordinario’. Sra. Lusette Christiaan i su muchanan a risibí e tim di Digicel ku brasa habrí i a laga nan sinti na kas durante e dianan di bishita. “Muchanan ta pilá di futuro pa e motibu aki Digicel ta pone su skouder bou di proyektonan ku ta kontribuí na desaroyo positivo di mucha i hóbennan di Boneiru”, esaki di akuerdo ku relashonista públiko pa Digicel Boneiru, Srta. Nicola Conquet. Pa duna struktura na e bishita spesial a organisá dos siman yen di aktividat pa tantu e muchanan komo e tim di Digicel. Asina por hasi menshon ku dia 26 di ougùstùs último empleadonan di Digcel a fèrf huntu ku e muchanan i despues a dediká un ratu na músika kantando kansionnan di infansia. Dia 2 di Sèptèmber tabata dia di obra di man na unda ku e muchanan a pone nan dedikashon i pasenshi na prueba. Pa klousurá e siman Digicel a hasi donashon di vários ko’i hunga edukativo ku por wòrdu usá den airu liber i tambe a entregá tur mucha un Digicel ‘Happy Bag’.E tim di Digicel ta gradisí Sra. Lusette Christiaan pa e amabilidat i ta deseá tur lider di Krèsh Chikitin Bin Bin hopi éksito i dedikashon pa e próksimo temporada.