Lo ta e promé den Caribe i Latinoamérika ku un ‘Evening Program’

WILLEMSTAD – Yüli – Pronto Kòrsou lo selebrá apertura di su terser establesimentu Starbucks.  Kòrsou ta privilegiá, mirando ku esaki lo ta e promé establesimentu di Starbucks den Caribe i Latinoamérika ku lo tin e konsepto ‘Starbucks Evening Program’. Despues ku na 2011 a habri Starbucks na Renaissance Mall i mas despues den hotèl tambe, e aña aki Kòrsou lo por ta orguyoso di por tin e promé establesimentu ku un  ‘Starbucks Evening Program’ den Caribe i Latinoamérika. Anteriormente, Kòrsou a konosé Starbucks semper den un konsepto di ‘mainta’, na unda ku por disfrutá di e.o un dushi kòfi, un croissant, pastechi òf un donuts.

E konsepto di un establesimentu ku un ‘Evening Program’ a konta ku vários estudio, por bisa ku a tene kuenta ku un atmósfera ku ta inspirá kombersashon i ta ofresé relahamiento. Diseñadónan  a enfoká riba diferente elemento inkluyendo lus, mesanan mas largu i grandi, stulnan kómodo, kolónan kaluroso i arte.  E ‘Starbucks Evening Program’ lo ofresé un menú di biña, serbes i klaro un selekshon amplio di bebidanan elaborá ku kòfi i te. Tambe lo ofresé platonan chikitu ku fásilmente por wòrdu kompartí entre bishitantenan. E promé establesimentu di Starbucks ku un ‘Evening Program’ a keda habrí na 2010, na Seattle. Klientenan a keda enkantá; for di e aña ei e demanda pa un punto di enkuentro kasual parti anochi a krese. Keda pendiente pa e gran apertura di Starbucks na Mambo Beach Boulevard.