Digicel ta acelera plannan pa activa su LTE Network

ORANJESTAD, Aruba – 10 di Maart 2018: Awo clientenan di Digicel por disfruta di e speed rapido di celular cu un red mas lihe, ora di cambia awe pa e red di “Long-Term Evolution” (LTE). E movecion aki ta forma parti di e programa di transformacion global Digicel 2030, di cual Digicel a priminti di bay na e siguiente nivel di expansion di red global cu partnership cu e marca di tecnologia ZTE.

LTE ta e tecnologia mas recien di “mobile data” cu ta disponibel comercialmente, cu speed te cu 100 mbps. E tin e capacidad di core multiple aplicacion suavemente, asina e clientenan por comparti filenan grandi y ta multi funcional. Tambe e ta permiti video y transmision di definicion halto (HD) den tempo real sea un smartphone, tablet of otro aparato internet-enable.

“Data ta hopi importante na e forma cu nos clientenan ta conecta, traha y hunga y nos ta hopi emociona di move data na un speed mas lihe asina nos clientenan por disfruta un miho, mas lihe y experiencia mas transparente cu nos,” asina CEO di Digicel Wanda Broeksema a bisa. E data nobo LTE network lo traha transparente cu un network 4G Aruba.

E lansamento di e red di LTE ta un paso grandi pa Digicel Aruba, den cuadro di ofrece comunicacion moderno y miho calidad di “video streaming” sin cu e ta pega. Ta bon pa subraya cu clientenan mester tene cuenta cu pa por experencia e bentahanan di LTE, cu mester hinca un SIM di LTE den bo celular, e celular mester ta compatible pa e red y mester adapta e “setting” nan den Bo celular. Pa mas facil, ta recomenda clientenan pa bishita cualkier tienda di Digicel Aruba of subi nan website pa por haya mas informacion.

Wanda  Broeksema a comenta cu “Ademas di upgrade e manera cu clientenan ta conecta, LTE ta duna un boost na productividad local, ta habri oportunidadnan significante di entrada y empleo pa hendenan di Aruba.”