Na luna di Novèmber 2013, TDS a lansa kanal 77 kual t’e kanal humorístiko di TDS kaminda produkshonnan lokal humorístiko ta pasa al estilo di “Pay Per View” Na fin di Novèmber 2013, TDS a landa e serie nobo nobo di Pronkami ku a ripití dos wikènt tras di otro dor di tantu petishon i tantísimo kliente ku no a logra wak e promé biaha. Esaki a pone ku TDS mester a ripití e programa e siguiente siman. Wèl, awor eksaktamente 1 luna despues, Pronkami 2 ta bai ranka sali. Un elenco mas grandi ainda ku e promé biaha, skèchnan nobo i personahenan nobo ku lo ponebu hari henter un wikènt largu sin por stòp. Un produkshon di kasi 2 ora largu ku ta keda ripití for di djabièrnè 10 di yanüari awor pa 8’or di anochi te ku djadumingu 12 di yanüari pa 12’or di anochi. E biaha aki si TDS lo no por ripití, debí ku ya tin produkshonnan kla pa e siman despues. Pronkami 2 ta disponibel riba TDS pa tantu Kòrsou komo Boneiru. E preis ta ANG 25.00 pa Kòrsou i USD 14.00 pa Boneiru. Tur impuesto ya ta inkluí den e preisnan aki kaba. Pa hasi bo petishon, bo por yama libramente na 9242 i pidi pa bo “Pay Per View” di Pronkami riba kanal 77. Bo por hasi bo petishon tur dia for di 07:00 di mainta te ku 11:00 di anochi. No pèrdè e chèns úniko aki pa mira Pronkami 2, paso GARANTISÁ lo bo hari sigui hari i sigui hari te ku bo no por mas. TDS no ta rekomenda e programa aki pa mucha menor di 15 aña di edad. Abo kliente di TDS, preparábu pa PRONKAMI 2, paso tin HOPI MAS TDS pa ABO den 2014.