TDS demostrando dikon e ta e kompania di TV pagá #1

Despues di a ranka sali ku Wikènt ku Eligio den luna di Òktober i despues presentá e obra nobo nobo di Eligio Melfor titulá “Wan 3 Porta”, awor a toka turno pa TDS lansa otro estreno riba su plataforma di Pay Per View. E programa eksitoso “Pronkami” awor den un bachi nobo ku skèchnan nobo nobo i un durashon di no ménos ku 2 ora largu, lo estrená riba e kanal humorístiko di TDS, Kanal 77 komo un evento Pay Per View. TDS, e kompania mas grandi i popular di televishon pagá ku ta úniko den produkshon lokal, a skucha su miembronan i a duna nan loke nan ke. Produkshon lokal pa bo hari i gosa na bo idioma natal Papiamentu. Asina mes, kuminsando dia 29 di Novèmber awor pa 8:00 di anochi te ku djadumingu 12’or di mardugá, kanal 77 lo presentá e promé edishon di “Pronkami” ku tur e personahenan asina konosí manera “Tio Jos”
i hopi mas personahenan nobo. Bo ta kòrdá: “Mi’n sa,…………. Mi’n sa un koh, un koh mi’n sa……….? Awèl preparábo pa bo hari te lora abou djabièrnè awor riba kanal 77. Tur delaster wikènt di luna bo lo por gosa di 2 ora largu di “Pronkami” riba kanal 77. Mirando ku esaki lo bai ta otro hit riba e plataforma di Pay Per View, TDS ta sugerí tur abonado pa yama 9242 trempan pa pidi e edishon number 1 di “Pronkami”. Asina bo
yama pidi, e kanal lo habri na bo kas i bo lo por verifiká si bo imágen ta drentando bon, ya pa si eventualmente tin kualke kos chikitu, bo lo por mèldu esaki trempan, p’asina un tékniko por pas na bo kas. Mirando ku e Pay Per View aki lo bai kibra rekòrt na petishon, TDS a introdusí tambe un sistema nobo pa pidi Pay Per View kual ta via di un SMS. Usuarionan di Chippie ku ta kliente di TDS, awor por manda un SMS na e number 8585 indikando nan FAM i number di kuenta. Asina TDS haña e mensahe aki, lo yama e kliente riba e number for di kua el a manda e mensahe di teksto aki pa verifiká e petishon i asina habri e kanal mesora pa e kliente ku a pidi “Pronkami”. Gastu pa e SMS aki ta 50 sèn. Pues tur kliente ku ta amante di produkshon lokal i en partikular “Pronkami” hasi lihé i pidi bo edishon nobo di “Pronkami” via di 9242 òf SMS 8585. Kòrdá hasi esaki trempan p’asina bo por disfrutá di un di e shownan mas humorístiko ku Kòrsou a konosé! Un biaha mas TDS ta mustra ku e ta i lo keda e kompania di televishon pagá mas grandi i popular na Kòrsou. Alabes TDS kier a gradisí Gibi Doran, pa e oportunidat i konfiansa ku e la brinda TDS pa ta e kompania eksklusivo pa presentá “Pronkami” Pues djabièrnè awor, 29 di Novèmber, Kòrsou i Boneiru kompleto lo ta klabá riba kanal 77 di TDS pa disfrutá di e promé edishon di “Pronkami” for di 8:00 di anochi. Esaki lo ripití su mes kada 2 ora. Preis pa e Pay Per View aki ta ANG 25.00 òf pa Boneiru, USD 14.00. Hopi MAS TDS pa ABO, nos kliente apresiá!