Semper tabata e soño di nos gran artista lokal/internashonal i multi talentoso Danny Yanga pa engrandesé e karnaval di Kòrsou ku su propio grupo di Karnaval di hende grandi. Danny mester a krea un nòmber i lema pa e grupo i a yega na e siguiente nòmber di e grupo nobo pa e Gran Marcha di Karnaval 2016, “HELENGUE”. i su lema ta “Ta nos tin e ambiente”. Helengue ta un grupo di karnaval i un konsepto nobo, moderno i fantástiko pa asina brinda e karnavalista e oportunidat di baila, jump i gosa di un Karnaval manera mester ta ku e prioridat “Ta nos tin e ambiente”. E diseño i tema di e trahenan pa karnaval 2016 ya ta kla, kontribushon pa partisipashon i e reunion ya ta regla. Komo ku e grupo ta inovativo i otro for di tur otro nos a nombra e sekshon di trahenan lo siguiente: Hotjes, Hot, Fire, Fire Fire i Spicy. Helengue ta pa un i tur. Nos trahenan ta para pa luho i detaye, pero tòg bon pa abo ku ta bai pa jump òf pa esun ku ta bai pa modelá den marcha. E team di Helengue ta un team ku hopi idea, animo i dinamismo pa asina e konsentrashon ta i keda pará pa kalidat i pa e karnavalista por disfrutá i gosa hopi di su momentu i partisipashon pa ku su karnaval. Hopi ta kurioso pa sa ku si Helengue ta bai ku un banda si òf no, si nos ta bai tin bon entretenimentu musikal si òf no, si e trahenan ta hala nan atenshon si òf no? Tur esaki bo ta bai tende den e reunion. Pues wak pabo tambe tei. Helengue ta i den futuro ta keda e grupo ku ta aktual i moderno pa ku karnaval di Kòrsou ku prioridat riba e partisipantenan den e grupo. Djasabra dia 7 di mart Helengue ta tene su promé reunion na WTC i e orario ta 19:30. Den e reunion nos ta bai splika vishon i mishon di grupo Helengue. Nos ta presentá e team, e aktividatnan ku e grupo ta bai tene, e kontribushon pa partisipashon, kua ta e artistanan ku ta bai ku Helengue den marcha, i hopi mas. Tambe tin un sekshon speshal den e grupo pa tener di 16 te ku 18 aña ku lo haña tambe un preis speshal. Nos ta sera e anochi ku demostrashon di e diseño di e trahenan diseñá pa e propio Danny Yanga i alabes por yena formulario pa inskribí. Grupo Helengue ta bai karnaval pa dibertí i pasa bon i ta brinda e oportunidat pa kada miembro ku ta yuda den e trabounan, ku deskuentonan faborabel pa ku e parti di kontribushon i tambe nos ta brinda e oportunidat pa miembronan por paga pa luna, pues poko poko. Bo ke sa mas di esaki yama òf whatsApp 5213700 òf manda un MSG pa konfirmá bo presensia òf pa mas informashon. Grupo Helengue ta invitá un i tur na e promé reunion na WTC pa asina ofisialisá e grupo. Ta nos tin e ambiente i e ambiente ya ta bai kuminsá djasabra awor dia 7 di mart na e promé reunion di e grupo di karnaval 2016, Helengue. Na WTC, 7 di Mart pa 19:30. Nos ta wardabo.