Dia 24 di oktober próksimo Prome Finalista di Miss Kòrsou 2015 Neyda Lithgow lo ta nos dígno representante den e prestigioso sertámen aki. Aña pasá Kòrsou a keda representa pa Laura Mejia Muñoz ku a destaka ku su presentashon i a resulta 7to finalista.

E karekteristikanan ku nan ta buska den e sertamen aki ta un dama bunita, simpatika i intilegente ku sigur ta identikiká Un Reina Hispanoamerika. Neyda ta poseé tur esakinan ku sigur ta pone ku elo ta un representante ku lo laga un bon impreshon.

E sertamen aki ta kargá ku diferente aktividat pa tur e delegadonan ku lo tin un skedjel hopi okupá

Durante di e sertamen e kandidata lo bai tin tres presentashon ku ta trahe nashonal, trahe di baño i trahe di gala kaminda lo hasi e kandidatanan un pregunta. Neyda durante su presentashon lo lusi un trahe Nashonal diseñá i kreá pa Norwin Pieternella.

Su Trahe di gala ta di e konosido diseñador Venezolano Dan Rojas ku a sòru pa un bunita kreashon pa Neyda.

Coridja Stars Productios ke deseá Neyda tur klase di éksito i ke pidi pueblo di Kòrsou kompleto pa ban duna sostén na nos representante mandando nos bon vibrashon i energia di positivismo.

Por vota pa Neyda drenta direktamente den e finalistanan di e sertamen. Subi página di Facebook di Coridja Stars Productions pa por topa e link ku ta guía bo na e votashon.