Dia di San Valentino na 93.3 Telecuraçao FM

Willemstad- E programa “After Sunset” Presentá pa Melania van der Veen tur anochi di 6or pa 8or na Telecuraçao FM definitivamente ta un dje programanan di Radio ku ta gosa di mas sintonia atardi. E programa for di momentu ku ela bai den aire dia 2 di september a haña un aseptashon grandi di publiko i djabierne awor 14 di februari, riba dia di San Valentino “After Sunset” lo bai tin un programa dedika na e dia di Amor. Mester bisa ku for di den dia e radio emisora lo tin un programashon adaptá pa dia di Amor ku premio, poesia saludonan spesial i hopi mas i atardi e kos ta bai kulminá ora ku den “After Sunset” Melania bai saka e gran premio kaminda un parehaku ta bai kasa e aña aki por bira ganador di un pakete balora na mas ku 8 mil florin.

Gran premio entre 6or pa 7:30 anochi

E gran premio anochi lo ta:

1. Un luna de miel na Aruba ku pasashi i estadia den The Mill Resort Aruba
2. Wedding Planner pa kortesia di Unique Wedding
3. Fotografo pa kortesia di ESO Events
4. Un Bolo Batrei pa kortesia di Royalty Cakes
5. 75kos di lechi pa kortesia di Celebrity sweets & more
6. Misa kompleto kantá pa Melania van der Veen
7. Shimis di e bruid kosé pa Justan Creations
8. Makiyahe  di Aubrey America
9. Pela i hasi di kabei pa e pareha na Barberia i Big Star i pelukera Shaka
10. Un bale di La piñata

11.   Bruids Buket

12.Un bale pa nan dos bai kome.

Kon parehanan ku tei kasa por partisipá? Djis manda un mail na melania@telecuracao.fm of un ping na 266CFA63  ku datosnan di e pareha manera nomber, ID, number di telefon, fecha di kasamentu etc. E premio ta konta pa pareha i si pa un of otro motibu e pareha no ta kasa mas, e pareha lo pèrdè derechi riba e premio. Pa mas informashon por yama Melania van der Veen na telefon 517 4646