Willemstad – E kompania di pestcontrol mas grandi na Kòrsou, Professional Pest  Control, resientemente a sera un areglo di penshun pa su personal serka kompania di seguro ENNIA. Ku esaki gerensia di Professional Pest Control ta invertí den futuro di su personal.

A sera e kòntrakt akí ku intermediashon di Banco di Caribe komo bróker. Sigun Angelo Hironimus, Account Manager Insurance Department di Banco di Caribe, spar pa después i kuido di esnan ku ta keda atras, prinsipalmente e pareha, ta hopi importante. Ora nan yega edat di penshun e empleadonan ta risibí un penshun ku nan por gosa di dje. E areglo di penshun ta mustra ku e kompania akí ta un bon dunadó di trabou tambe. “Komo kompania nos ta èkstra atraktivo pa empleadonan aktual  í den futuro, debí na e kondishonnan di trabou sekundario positivo”, sigun direktor Anthony Wever.

Den kaso di fayesementu e areglo di penshun di ENNIA ta ofresé un pago na e pareha tambe. Kompanianan tin bista online riba nan areglo di penhun, i e struktura di gastu ta transparente di manera ku dunadónan di trabou sa kiko nan ta paga p’e.

A lanta Professional Pest Control na 1987 na Aruba. Desde 2005 e kompania ta operá na Kòrsou tambe. Ademas tin un filial na Boneiru. E kompania ta usa solamente produktonan aprobá pa EPA. EPA ta para pa Environmental Protection Agency. E instituto merikano akí ta enkargá ku protekshon di salú públiko i di medio ambiente.