TDS ta informá ku for di ayera 7 di aprel 2015 tin sierto áreanan na Kòrsou ta konfrontando problema ku señal riba kanalnan 84-150-211-310-315-430-452-490-560 i e kanal di radio 96. Nos téknikonan i outoridatnan responsabel ta hasiendo lo máksimo pa resolvé e problema ku e frekuensha aki. Mirando ku un di e kanalnan mas mira ta kanal 430 i esaki ta den e grupo di kanalnan ku tin problema, TDS a krea temporalmente kanal 431 aserka, pa esnan ku NO ta risibiendo kanal 430, tòch por disfrutá di nan programanan miéntras e problema ku e frekuensha wòrdu resolvé. Tur kliente mester a haña un mensahe di “channel update” pa asina por risibí e kanal 431. Pa esnan ku NO a haña e “channel update” por paga e bòks un ratu i ora sende e bòks lo risibí e channel update. Sierto di e bòks nan ta rekerí pa bo primi e boton di “OK” (YES) pa e bòks hasi e update. Simplemente hasi esaki i ora e bòks kaba di hasi su “update” e kanal lo ta disponibel.

Boneiru

Na Boneiru tambe ta konfrontando problema ku resepshon di TDS, esaki ta debí na un fayo mekániko i TDS ta trahando duru pa restablesé e servicio awe nochi. TDS kier a pidi diskulpa pa e inkonbeniensianan aki i ta primintí di resolvé e 2 problemanan aki mas pronto ku ta posibel.