Willemstad, Djarason 17 di aprel Prinsbernhard Fonds huntu Kara Production i Banco di Caribe a hasi entrega di e ekspanshon di e tribunanan nobo na La Tentashon. Segni Bernardina huntu ku hinter e team di teatro Luna Blou a risibi bishita di señora Michèle Russel-Capriles di Prins Bernhard Cultuurfonds Caribisch Gebied . E motibu di e bishita tabata pa e por a mira resultado final di e kontribushon di Prins Bernhard Cultuurfonds Caribisch Gebied. Tabata Segni Bernardina direktor Artístiko di La Tentashon ku a duna un splikashon kon e trabounan a kana i ku al final ku kontribushon di Kara Productions a logra amplia e stulnan pa 200 stul en bes di 150 stul. Den pasado Banco di Caribe a kuminsa ku e inisiativa pa traha e tribuna di teater pa La Tentashon i a otorgá La Tentashon 100 stul di teater. Kada aña La Tentashon su públiko ta bira mas grandi i esei a pone ku Prins Bernhard Cultuurfonds Caribisch Gebied a duna nan aporte pa por akomodá mas hende den La Tentashon i sinta disfrutá di produkshonnan lokal òf Internashonal di un forma kómodo. Segni Bernardina a bisa ku kada aña nos ta purba na trese un imágen nobo pa e teater aki. Ántes La Tentashon tabata un loods ku tribunanan di palu i sin  erko pero aña pa aña nos ta remodela e loods aki, hasié un teater ku por duna un bon servisio na un i tur ku ke hasi uso di dje. Sea pa un fiesta di kasamentu, risibimentu, tayer, konsierto, show di baile, obranan teatral etc. Ku kooperashon di fondonan manera Prins Bernhard Cultuurfonds Caribisch Gebied i tambe di empresanan lokal manera Banco di Caribe i tambe kooperashon di hombernan di fishi manera Giovanni abath ku su KARA Productions sigur sigur ta logra. E loke ku mas ta yuda ku tiki tiki e teater lo por para riba su mes pia i sigui krese ta asistensia di publiko. Mas hende bin teater mas entrada. Mas entrada ta nifika kresementu riba tur aspekto for di e hende te ku e infrastruktura. Pro traha riba produkshonnan na un nivel mas profeshonal. Produkshonnan ku ta eduka i entretene e puelo di Korsou.Sra. Michèle Russel-Capriles di Prins Bernhard Cultuurfonds Caribisch Gebied a bisa ku nan ta duna nan aporte ku smak na desaroyo di teater. El a splika ku nan a tuma nota di e echo ku e teater ta kresiendo i ku tabatin algun situashon ku ta stroba pa por duna e kliente un bon servisio. E stulnan ta un di e aspektonan ku Prins Bernhard Cultuurfonds a yuda kuné pero ta bai tin mas yudansa na kaminda pa kaba di drecha e infrastruktura di La Tentashon i teater Luna Blou pa por duna un bon servisio na e kliente.Sra. Michèle Russel-Capriles ta hopi kontentu i satisfecho ku e resultado i a duna palabranan di elogio pa e trabou ku La Tentashon i teatro Luna Blou a bin ta hasi i a deseá Segni Bernardina i su team tur klase di éksito den futuro .Esaki ta un tremendo regalo pa La Tentashon ku ta kumpliendo 7 aña di eksistensha Awor ku e stulnan tei La Tentashon ta kla pa ranka sali ku su aktividatnan i ta spera ku públiko lo reakshoná masalmente i yena e teater yen yen. Teatro Luna blou i La Tentashon ta gradesí , Prins Bernhard Cultuurfonds Caribisch Gebied, Kara Productions i Banco di Caribe pa e bunita gesto di pone arte sigui biba. Pa mas informashon por yama 4622209. Bo por chèk nos página nan wèp. www.lunablou.com òf  www.latentashon.com. Tambe bo por sigui nos riba facebook: teatro Luna Blou i La Tentashon.