Tur pasashi ta cuminsa for di $198

ORANJESTAD, Aruba – 18 di januari 2016: Atrobe Aruba Airlines a reintroduci su prijsnan di locura pa un y tur cu a pidi p’e. Pa tur esunnan cu cumpra nan pasashi entre diadomingo dia 17 di januari y diabierna dia 22 di Januari 2016 lo ricibi un prijs di baca flaco. E pasashinan ta cuminsa for di $198 y ta valido entre dia 17 di Januari te cu dia 15 di Juni 2016.

Biaha pa tur nos destinacionnan “round trip” ricibiendo un bon servicio abordo. Pa mas informacion pasa na nan ticket office situa na aeropuerto of tambe por subi nan website www.arubaairlines.com of tambe por bishita e pagina di Facebook Aruba Airlines, Instagram y tambe Twitter.

Ta bon pa aclaria si cu e tarifa menciona no ta inclui impuesto. Mester tene cuenta cu dependiendo e destinacionnan, e impuesto di salida ta varia. Tin cierto condicionnan aplicabel.

A funda Aruba Airlines dia 31 di januari 2006 pero a realisa su prome vuelo dia 31 di mei 2013. E compania Arubiano tin su oficina principal situa na Cumana 69 aki na Aruba pero cu oficinanan di representacion na Panama, Miami, Venezuela y awor na Corsou y Santo Domingo tambe. Aruba Airlines ta bula cu avionnan nobo y moderno Airbus A 320-200 cu un capacidad di 150 pasahero, parti den 12 pasahero Business Class y 138 den Economy Class. Nan tin un total di 300 empleado staciona na tur nan oficinanan den tur nan mercadonan. Na Aruba so tin 139 empleado den servicio directo.