WILLEMSTAD –Djasabra 4 yüli 2015 Karnaval di Kòrsou ofisialmente a bira riku na un grupo hubenil mas. Riba e fecha aki The Groovies a presentá su mes na públiko.

THE GROOVIES ta ‘Cool, Hip, Funky & Awesome‘, esey ta nifiká ku e futuro partispantenan mester ta alegre, yen di ambiente i ku gusta karnaval.

Den The Groovies tin oportunidat di gosa, baila i jump den un ambiente ku ta e grupo aki so tin.​

The Groovies ta un soño ku porfin a bira realidat, despues di a para na banda bisando tur aña ku nos tin ku lanta un grupo pa Marcha Hubenil. Después ku e marcha di 2015 a yega na su fin a tuma e desishon ku awor si ta bai lanta e grupo pa partisipá na 2016.

The Groovies su direktiva ta konsistí di 5 eks-karnavalista ku tin amor pa karnaval i ku di un manera òf otro a aportá semper pa ku karnaval. ​Nan ta personanan ku stima karnaval, ta hopi ingenioso, gusta bon ambiente, tin hopi dinamismo i loke ta mas importante nan tin hopi ánimo pa sigurá e goso di nos futuro partisipantenan den karnaval.​

E eskoho pa lanta un grupo hubenil ta pa motibu ku The Groovies a tuma nota ku tur aña di nobo Marcha Hubenil ta birando mas chikí i lo no ke pa esey sigui pasa, pasombra e tin derecho di eksistensia.

​Inskripshon a habri kaba i seguidamente bo por paga e kontribushon den término. Tin un programa ku aktividatnan pa rekoudá fondonan adishonal durante aña.

 

Deskripshon di e trahe

Ta bai tin un trahe pa mucha muhé i pa mucha hòmber. Lo no ta bai tin diferente sekshon.

E tema di e trahe ta: “Gecko tambe ta bai karnaval”

Nos tur mester konosé e miembro aki di e famia di lagadishi kual ta konosí rònt mundu den klimanan kalor. Awendia nan ta wòrdu hasta trahá di tur sorto di material, tamaño i koló pa pega na muraya.

Kada mucha ta representá un gecko. Tantu esun muhé komo e hòmber tin un djumpsut bistí ku e rabu largu kual ta bin pegá na pia di kada mucha. Pa distinguí e gecko maskulino for di esun femenino, nos a bisti esun femenino un saya i esun maskulino un dash’i pushi.

E headpiece ta un fantasia ku ta ilustrá e kabes di e gecko ku su dos wowonan bulá afó. Ku e plumanan nos ta forma e lenga largu.

Rònt su kurpa nos ta dun’é e toke tropikal ku diferente figura ku variashon di koló. Tur esakinan dekorá ku stenchi, gleter i payèt. Tambe nos ta aksentuá e man i pianan grandi di e gecko.

E trahenan lo ta simpel, bunita i fásil pa nos partisipantenan por jump trankil dén dje i loke ta mas importante disfrutá di nan karnaval. Akompañamentu musikal lo ta na enkargo di SCORE.

Pa mas informashon i tambe inskripshon por tuma kontakto ku Direktiva di The Groovies na 560-8649, 564-7643, 512-0140 i 694-0717 òf via E-mail: thegroovies2015@gmail.com i like nos Facebook page: Grupo “The Groovies” – kids carnaval group.