Djabièrnè awor 6 di desèmber 2013 e buki konmemorativo “Art Exhibition Libertat” ta keda presentá. E buki akí a keda publiká pa motibu di e eksposishon ‘ Art Exhibition Libertat’ ku a tuma lugá di  3 di ougùstùs pa 13 di desèmber 2013 na Galeria Kas di Kultura. E ta kontené ilustrashon i informashon di 20 artista ku a partisipá na e ekspsosishon aki  i alabes ta un rekuerdo kon artistanan a bini huntu pa na nan manera kompartí nan bista tokante abolishon di sklabitut i libertat, e derecho nato di kada ser humano. Helen de Haas, komo kurator di e eksposishon “Libertat” i outor ta e motor tras di e produkshon aki  pa konmemorá  150 aña Abolishon di Sklabitut. Produkshon i publikashon di e buki a keda realisá ku koperashon ku Arte’99, Mondriaan Fonds, Prins Bernhard Cultuurfonds Caribisch Gebied, Maduro & Curiel’s Bank i diferente otro organisashon i persona riba e isla aki. Bo ta keda kordialmente invitá djabièrnè 6 di desèmber 2013, 7or di anochi pa presentashon di e buki:  Art Exhibition Libertat , na Galeria Kas di Kultura Kòrsou, entrada via pòrtir CPA. Pa mas informashon por tuma kontakto ku : Sra. Helen de Haas, e-mail helen_de_haas58@yahoo.com  òf sel.: 5660033.