WILLEMSTAD — Despues di ensayonan intensivo durante fin di siman i tambe riba djaluna 13 di yüni, tur e partisipantenan tabata bon prepará pa e ensayo general ku a tuma lugá ayera. Di parti di e komishon organisadó ta reina un gran satisfakshon ya ku e aña aki mas ku nunka tur hende a hasi nan máksimo esfuerso pa pone un magno evento manera esaki riba pia.

E echo ku ta dediká e festival na maestro Errol El Toro Colina sigur tabata inspitrativo pa tantu e musikonan komo kantantenan, kompositornan i areglistanan. Esnan ku presensiá e Festival awe nochi lo bai disfrutá d un festival na un nivel musikal altísimo, ku komposishonnan ku mensahenan hopi profundo i kaminda e parti kreativo ta dominá.

Tur e kontenidonan di e diferente piesanan ta hopi interesante. Esaki tambe debí na e variedat , estilo i género di músika den tur e komposishonnan. É aña aki lo ta notabel ku ritmonan manera tumba, wals i seú ta dominá durante di e festival, loke ta hopi di esnan ku ta dirigí e festival aki di a serka tabata boga durante e último añanan aki pe.

E interes pa bin wak e festival ta enorme i ta bon pa bo probechá kumpra e karchi sea na 24 uur uit de muur, Beeb Beep, Samson , na Curaçao festival Center i serka e partisipantenan na rason di 35 florin. Na porta e preis di entrada lo ta 45 florin. E festival ta kuminsá eksaktamente 7:30 i ta rekomendá un i tur pa bin tempran pa sombra kada parti si e anochi aki ta hopi interesante. For di awor nos ta  deseá tur partisipantenan hopi éksito i laga nos tur ban apoyá e piesa