WILLEMSTAD — Direktiva di AMAK, despues di a reuní na algun okashon ku Miembronan i otro instansianan, ya ta preparando pa nos bai haña un Festival di Tumba 2019 ku ta pinta di bira hopi grandi

Direktiva tin informashon di diferente artista ku lo inskribí dia 27 di yanüari 2019 pa partisipá na e gran evento aki. Lo bai tin diferente sorpresa ku lo pèrkurá pa un yeno kompleto durante dianan di Festival di Tumba den Curaçao Festival Center.

PROMÉ GIMMIK

Manera ya a bira un kustumber, djasabra awor dia 17 di novèmber, AMAK lo bai tin un gimmik spesial di 55 florin di karchi General. E gimmik aki lo tuma lugá na Licores Maduro na Dokweg z/n entre 11 or di mainta pa 1 or di mèrdia.

AMAK ta hopi kontentu ku Licores Maduro i su produktonan manera Dewar’s White Label, Rom Bacardi lo ta un di e patrosinadornan grandi di Festival di Tumba 2019 i alabes e Branding Partner ku ya ta konfirmá. No warda te na último ora pasombra ,manera ta e tradishon, e karchinan lo kaba hopi rápido. Pues djasabra 17 di novèmber promé gimmik pa Festival di Tumba 2019.