WILLEMSTAD — Djadumingu 7 di yüni a inisiá ku e ensayonan pa un kanto pa Kòrsou 2015. Tur kos ta mustra ku e festival aki ta bai bira algu hopi interesante i na un nivel musikal hopi haltu.

E skema pa ensayonan pa Un Kanto pa Kòrsou ta tuma lugá riba dianan 7, 8, 9 , 10 i 11 di yüni, miéntras ku dia 13 lo tene ensayonan general, miéntras ku e Festival mes lo tuma djadumingu dia 14 di yüni na Brakkeput mei mei di mitar di ocho pa mitar di 11.

Durante di e último dianan, e komishon organisadó a bai di akuerdo pa trese algun adaptashon den e lista di partisipantenan. Athunto por mira e lista di partisipantenan definitivo.

Kòrda pasa buska bo karchi tempran na 24 uur uit de muur, na Beep Beep Rio Canario, na Curaçao Festival Center i serka e partisipantenan na rason di 35 florin pa  adulto adelantá i na porta e preis lo bira 45 florin.

Un apelashon ta bai na tur hende pa korda buska nan karchi tempran pa presensia e magno evento aki, kaminda nos ta bai kanta grandesa di Kòrsou.