Optenibel na tur establesimentu di Digicel

WILLEMSTAD-OKT: Hopi biaha ta sosodé ku bateria di telefonnan selular, lèptòp òf ‘tablets’ ta baha durante di dia, spesialmente si nan ta wòrdu usá ku hopi frekuensia. Keda sin ta alkansabel no ta un opshon den e tempu di awó- rekargá bateria di bo telefon ‘on the go’ awó ta mas fásil ku ‘Powerseed’. Resientemente Digicel a hasi introdukshon di e ‘Powerseed’, esaki ta un ‘power supply’ portátil ku ta rekargá bateria di entre otro bo smartphone di 1.5 te ku 6 biaha mas, dependiendo di e modèl. Ku un 5 vòlt 1 ampèr output, e lo rekargá e unidat ku e mesun forsa ekivalente na esun di un stòpkòntakt. E ‘Powerseed’ lo rekargá kualkier unidat ku ta usa un USB pa por karga bateria, e.o telefon selular (iPhone, Android, Blackberry, Windows), Tablets (iPad, Galaxy Tab, Blackberry Playbook, Android Tablets), unidat pa músika òf video portátil, manera (iPod, Mp4 i otronan), kámara i tur otro aparato ku ta usa un waya USB pa rekargá bateria. E ‘Powerseed’ ta masha fásil pa usa; karg’é na kas i bai kuné unda ku ta, us’é ki ora ku ta pa rekargá e bateria di bo telefon òf otro unidat. E ‘Powerseed’ ta optenibel na tur establesimentu di Digicel, kuminsando na 49 florin. Por skohe den 3 diferente modelo/ koló, kada modelo tin un kapasidat di rekargo mas haltu. Pa mas informashon por tuma kontakto ku Digicel. Riba imágen athuntu por haña un impreshon di e Powerseed optenibel na Digicel