Willemstad- Ademas di e sabornan signatura Pizza Hut semper ta agregá opshonnan nobo riba su menú pa kumpli ku deseo di tur kliente. E biaha aki Pizza Hut ta introdusí “Pizza Hut Ultimate Pizza’s” – 4 sabor di Pizza nobo i realmente delisioso. Ku e introdukshon aki Pizza Hut ta yama bon bini na e sabornan; Hawaiian BBQ, Pizza Margarita , Italian Special i Chicken Supreme ku ta primintí di bai bira faboritonan grandi den tempu kòrtiku. Bishitá e restorant di Pizza Hut mas serka di bo i disfrutá di e Hawaiian BBQ Pizza ku ta bini ku un ‘topping’ di keshi, ham, siboyo i pineapple koroná ku sous di BBQ na lugá di e sous di tomati kustumbrá. Tambe ta drenta nobo riba menú e Pizza Margarita ku ta bini ku un ‘topping’ di tomati, keshi, orégano i basil fresku ku ta dun’é un toke outéntiko italiano. Ademas di esaki ta añadí e Italian Special tambe. E pizza aki ta keda ofresé ku un ‘topping’ di pepperoni, soseishi Italiano, mushrooms, keshi i e tradishonal sous di tomati. Pa tur fanátiko di pasta Alfredo e Chicken Supreme, mihó konosí komo e Chicken Alfredo Pizza ta e mihó opshon! E ta bini ku un ‘topping’ di mushrooms, siboyo, keshi, galiña i pa koroná e sous outéntiko di Alfredo. Ta bon pa menshoná ku “Pizza Hut Ultimate Pizza’s” ta optenibel den tur tamaño (Personal, Small, Medium i Large) sea ku mansa fini òf den estilo di pan pizza; un opshon perfekto pa sea almuerso òf sena. Ta deseá di sinta kome ku famia kompletu? Awèl, bishitá Pizza Hut Saliña i Sta. Maria i si ta ‘take out’ bishitá Pizza Hut Brionplein òf Brievengat. Pa ‘delivery’ por yama Saliña 461-6161, Santa Maria 868-8277, Brievengat 737-2400 òf Brionplein  na numbernan 465-6767/462-5562. Purba Pizza Hut su “Ultimate Pizza’s” awe mes i disfrutá di 4 sabor di pizza nobo ku lo hasi bo eksperensia na Pizza Hut aún mas plasentero. ‘Like’ e página di facebook.com/pizzahutcuracao i keda na altura di tur produkto nobo i promoshon.