WILLEMSTAD, Kòrsou – Yanüari 2015: Ademas di ta branding partner den nos gran Festival di Tumba 2015, Pizza Hut ta orguyoso di por sostené Naemy Kirindongo pa su partisipashon den Festival di Tumba Hubenil tambe. Djadumingu awó, Naemy  ta partisipante number 5- entre e 14 hóbennan ku lo ta partisipando.  Pizza Hut ta kere den un desaroyo positivo i aktividatnan sano i kreativo pa hóbennan di Kòrsou. Naemy Kirindongo ta klá pa dia promé di febrüari próksimo sakudí Kòrsou ku su tumba ‘Si bo ke, bo ta logr’é’. Komo un studiante di Kolegio Iris Bruining, Naemy a sòru pa un tumba ku kontenido i un mensahe positivo pa inspirá hóbennan di Kòrsou. E aña aki Festival di Tumba Hubenil ta konta ku partisipashon di 14 hóben. Ta invitá pueblo di Kòrsou pa akudí djadumingu awó i disfrutá di e tumbanan ku próksimamente lo zona den Marcha Hubenil tambe. Pizza Hut ta deseá tur partisipante hopi éksito djadumingu awó, partikularmente Naemy Kirindongo. Partisipashon ta e promé paso riba e kaminda eksitoso; pa Pizza Hut ya Naemy ta number un!