Seshon privá di ‘Gs-Me-Miss’ ku Levi Silvanie tabata zùiver

Willemstad- Djadumingu último 2 ganador di e kampaña “Ultimate Night Out” di Pizza Hut por a disfrutá di un konsierto privá di Levi Silvanie. Sr. Pietersz i Sra. Fullinck huntu ku 9 amigu kada un por a eksperensiá un konsierto estilo ‘unplugged’ di Levi Silvanie. Pizza Hut Sta. Maria a sòru pa tur kos di kome i bebe di manera ku ámbos ganadó i nan invitadonan por a pasa un anochi inolvidabel.

Partisipashon tabata fásil, klientenan a risibí un kupòn riba kual a yena nòmber, number di telefòn i otro detayenan ku a wòrdu rekerí pa por a partisipá. E promoshon aki tabata na okashon di introdukshon di Pizza Hut su sabornan nobo di “Ultimate Pizza’s”, e Hawaiian BBQ, Margarita, Chicken Supreme òf Italian Special; tur ku a kumpra un di e pizzanan aki, tabata tin chèns di gana! Ganadónan a wòrdu saká for di un tómbola di kasi 5,000 kupòn. Durante e mini- konsierto Levi Silvanie a presentá su seshon masha popular ‘Gs-Me-Miss’. Pizza Hut St. Maria a ofresé un ‘setting’ masha ‘cozy’ pa e invitadonan disfrutá di tur e delisianan di Pizza Hut, inkluyendo e 4 sabornan nobo i e popular Hersey Cookie.

Riba fotonan athuntu por haña un impreshon di e “Ultimate Night Out” di Pizza Hut. Ganadónan a disfrutá di un anochi tur afó.

Tur esnan ku no a purba e sabornan nobo ainda, ta bon pa rekordá ku “Ultimate Pizza’s” ta optenibel den tur tamaño (Personal, Small, Medium i Large) ku mansa fini òf den estilo di pan pizza, un opshon perfekto pa sea almuerso òf sena. Pa mas informashon di kampaña nobo, produktonan nobo i promoshon ‘like’ Pizza Hut su página di facebook.com/pizzahutcuracao.