Djárason 25 di yüli ENNIA a selebrá Dia di Penshonado. Ku e selebrashon akí ENNIA ke gradisí tur penshonado pa e konfiansa ku nan tin den e kompania. Mas ku 1000 penshonado a partisipá na e evento akí,  ku a tuma lugá riba e lugá di parker di Sambil  ku a keda kombertí den un área festivo i alegre.
Durante e selebrashon direktor di ENNIA, sr. Reinald Curiel, a duna e penshonadonan presente un splikashon di e situashon aktual di ENNIA. El a enfatisá ku no tin niun motibu pa prekupashon; tur penshonado ta sigui kobra nan penshun manera debe ser. Juni Juliet and The Legends a deleitá e públiko presente ku su presentashon, i na final tur penshonado a risibí un regalito di ENNIA. Esaki ta e di 6 aña konsekutivo ku ENNIA ta selebrá Dia di Penshonado ku su penshonadonan.  Un biaha mas, un selebrashon alegre i eksitoso!