…Banco di Caribe habri riba djasabra…

Willemstad – Novèmber 2013:  Djasabra awor, 30 di novèmber, Banco di Caribe lo ta habri di 8’or di mainta te 1’or di mèrdia pa asina pensionadonan di SVB ku ta kliente di Banco di Caribe por bin kobra nan penshun. Entre 8’or di mainta i 1’or di mèrdia kahanan di Banco di Caribe na Saliña lo ta habrí pa por akomodá tur penshonado di SVB, ademas di esaki ta rekordá tur kliente ku e branch na Saliña lo ta habrí pa nan tambe hasi uso di tur servisio di kaha. Ta bon pa menshoná ku solamente e departamento di kèsh lo ta habrí. Agregando e servisio spesial aki no ta solamente garantisá servisio rápido i efisiente pero tambe un servisio spesial pafó di orarionan di ofisina, akomodando tur kliente ku den transkurso di siman no ta haña un chèns pa bishitá banko. Banco di Caribe ke rekorda su klientenan ku nos branch na Salinja lo ta habri tambe riba djasabra 7, 14, 21 i 28 di december. Tur kliente di Banco di Caribe ta keda invitá pa bishitá departamento di kaha di Banco di Caribe Saliña riba djasabra i hasi tur transakshonnan efektivo pafó di orario di ofisina regular i den un esfera mas trankil. Pa e djasabra benidero, ta invitá tur penshonado di SVB ku ta kliente di Banco di Caribe pa akudí na filial di Banco di Caribe Saliña pa kobra nan penshun.