Willemstad, German Gruber Jr den koperashon ku Teatro Luna Blou lo presentá e pelíkula “ Sensei Redenshon”  Dia 12-13-14 di mart na Teatro Luna Blou. “Sensei Rendenshon” a keda estrená den e luna di desèmber na The Cinemas.  Mirando e akohida di e pelíkula aki i e innumerabel petishon di hopi hende ku no a wak’e ainda. A habri oportunidat pa disfrutá di e tremendo pelíkula aki den Teatro Luna Blou dia nan 12, 13 i 14 di mart 8or di anochi. Sensei Redenshon ta konta e historia di Sandro ku a sinta 10 aña den prison pa un pelea klandestino kaminda e la mata su oponente. E añanan ku e tabata den prison a yud’é pa reflekshoná riba loke ku a pasa, haña su mes i kòrda loke ku su Sensei a siñ’é ora ku e la kuminsá. E pelíkula ta na papiamentu ku suptituto na ingles. E película no ta apto pa menor di 13 aña. Het verhaal gaat over Sandro ( Raul de Windt), hij heeft 10 jaar in de gevangenis gezeten door  een Protagonisá pa Raul de Windt i ku aktuashon di un grupo di artistanan lokal, manera entre  otro Redferne Regales, Benazir Charles, Sharif Sprokel, Brian Pietersz, Edsel Juliet, Amos Balentien, Merietza Haakmaat I ku aktuashon estelar di e humorista rubiano Vale Croes, kende ta interpretá un ròl kompletamente otro di loke nos tin kustumber di mira di Vale. Direktor di e obra ta German Gruber Jr., ken a realisá diferente trabou filmiko lokal manera entre otro ” E Leyenda di Buchifil” kual a gana premio komo mihó pelíkula kòrtiku den e Festival di Sine di Trinidat & Tobago algun aña pasa.  No pèrdè e oportunidat di disfrutá di “Sensei Redenshon” i alabes duna sosten na sine lokal, buska bo karchi na tempu pues e dianan ta limitá. Karchinan ta na balor di Nafl 15,- optenibel na takia di Teatro Luna Blou. Pa mas informashon por yama 4622209. Bo por bishita nos página wèp. www.lunablou.com, www.latentashon.com òf tira un bista riba facebook: Teatro Luna Blou òf la tentashon.