Willemstad, German Gruber Jr den koperashon ku Teatro Luna Blou lo presentá e pelíkula “ Sensei Redenshon” den e luna di mart na Tearo Luna Blou. “Sensei Rendenshon” a keda estrená den e luna di desèmber. E pelíkula aki ta un produkshon lokal ku a presentá den The Cinemas. Debí na innumerabel petishon di hopi hende ku no a logra wak’e a habri oportunidat pa hasi esaki den Teatro Luna Blou dia nan 5, 6 i 7 di mart 8or di anochi. Despues di un temporada kaminda hopi dia e sala di The Cinemas  tabata kompletamente Sold Out, e team di produkshon di “Sensei Rendenshon”  a disidí di pasa e pelíkula algun dia mas pa henter pueblo di Kòrsou por disfrutá un biaha mas di e super produkshon lokal aki ku un nivel haltu. Un historia ku algun esena di drama, harimentu i hopi akshon, ku un mensahe hopi positivo den e desenlase final. Protagonisá pa Raul de Windt i ku aktuashon di un grupo di artistanan lokal, manera entre otro Redferne Regales, Benazir Charles, Sharif Sprokel, Brian Pietersz, Edsel Juliet, Amos Balentien, Merietza Haakmaat I ku aktuashon estelar di e humorista rubiano Vale Croes, kende ta interpretá un ròl kompletamente otro di loke nos tin kustumber di mira di Vale. Direktor di e obra ta German Gruber Jr., ken a realisá diferente trabou filmiko lokalmente, entre otro E Leyenda di Buchifil, kual a gana premio komo mihó pelíkula kòrtiku den e Festival di Sine di Trinidat & Tobago algun aña pasa. No pèrdè e oportunidat di disfrutá di SENSEI REDENSHON i alabes duna sosten na sine lokal, buska bo karchi na tempu pues e dianan ta limitá. E funshon nan lo ta riba djarason 5, djaweps 6 i djabièrnè 7 di mart, 8or di anochi pa solamente Nafl 15,-. Karchinan lo ta disponibel for di awe na e lokèt di Teatro Luna Blou. Pa mas informashon por yama 4622209. Bo por bishita nos página wèp. www.lunablou.com, www.latentashon.com òf tira un bista riba facebook: Teatro Luna Blou òf la tentashon.