Inisiando ku kuater buelo pa siman….
WILLEMSTAD- 14 ougùstùs 2015: E kompania di aviashon PAWA Dominicana a inisiá su servisio di kuater buelo pa siman entre Repúblika Dominikana i Kòrsou entrante djabièrnè 14 di ougùstùs 2015. Representante di PAWA Dominicana, sr. Luis Ramirez a ekspresá su satisfakshon pa ku e buelo inougural entre Repúblika Dominikana i Kòrsou: ‘Llegó PAWA’ Ademas di Kòrsou e kompania di aviashon PAWA Dominicana lo inisiá buelonan for di Repúblika Dominikana pa Sint Maarten i Aruba. E buelonan pa Kòrsou lo ser efektuá riba djaluna, djarason, djabièrnè i djadumingu:
| Ruta | Orario |
| Kòrsou – Repúblika Dominikana | 07:45 – 9:00 |
| Repúblika Dominikana – Kòrsou | 18:00 – 19:15 |
PAWA Dominicana lo hasi uso di un MD-80 ku un kapasidat di 152 stul. E buelo nobo aki sigur lo kontribuí pa por ofresé mas opshon di biahe for di Repúblika Dominikana pa Kòrsou. Bon Bini na PAWA Dominicana.