Karchinan pa e djump up/ djump in di AGKK ta bayendo manera pan kayente!

I awe djabièrnè i mayan djasabra por pasa tuma bo T- shirt na sede di Karnaval, na van Raderstraat den Skarlo, banda kaminda tabata ofisina di DARE,

Awe ofisina lo ta habri di 9 or di mainta te ku 10 or di anochi non-stop i mayan djasabra for di 9 or di mainta te ku 2 or di atardi. Pasa ku bo karchi i reklama bo T shirt awor Pa bo ta den!

Korda ku e djùmp up – djump in aki ta mayan djasabra 7 di yanüari pa 7or di anochi, saliendo for di Plasa Hariri pa Stadion di Ref, huntu ku Dreams, Era i DJ Argenis Huerta. Na Stadion di Ref lo sigui djùmp te 2or di mardugá huntu ku Gentz, Era i DJ Argenis Huerta. Den stadion lo tin bar i kushina bon surtí. E djump up ta organisá pa e Asosashon di Gruponan di Karnaval di Kòrsou, AGKK, komo fundraising pa gruponan afiliá.

Karchi ta kosta 35 florin i ta optenibel te ainda serka gruponan di karnaval, 24 uur uit de muur, Mensing´s Kaminada, Beep Beep ofisina di Karnaval na van Raderstraat 9 na Skarlo.

Pa kualke informashon adishonal, por yama AGKK na telefon 462-1790.