E interes grandi ku tabatin e aña akí pa partisipá na Ruta Tula tabatin komo konsekuensia ku karchinan pa e dos fechanan 18 i 25 di ougùstùs a kaba den tempu rèkòrt. I tambe ku a forma un lista di espera  ku nòmber di hendenan ku kier a bin na remarke pa partisipá, den kaso ku tin hende ku no ta bai mas i ke bende nan karchi òf den kaso ku ta organisá un di tres Ruta Tula. Pa kumpli ku e demanda grandi Plataforma Bèrdat Históriko den konsulta ku Kas di Kultura i otro partidonan envolví den presentashon di Ruta Tula, a disidí na pone un di tres fecha pa Ruta Tula ku ta djadumingu 8 di sèptèmber. E di tres Ruta Tula aki a bira posibel dor di entre otro sosten finansiero  di” Prins Bernhard Cultuurfonds Caraïbisch Gebied”. A aserká na promé lugá e personanan riba e lista di espera i a duna nan dos dia di preferensia pa kumpra karchi, Entretantu esei a sosodé tambe. Nos tin ku anunsiá ku ainda tin karchi disponibel pa Ruta Tula 8 di sèptèmber. Pues esnan ku ta interesá pa eksperensiá Ruta Tula, por pasa na Kas di Kultura i  kumpra nan karchi, di 8.00 pa 12.00 i 14.00 pa 16.30 or. Kòrda ku tempu ta limitá, no tarda! Plataforma Bèrdat Históriko Stanley Quirindongo Presidente Tel: 76572105/5228141/5158775