Di djamars 7 te ku djabièrnè 19 di yanüari próksimo, Parlamento di Kòrsou lo organisá e próksimo reunion Interparlamentario di Reino (Interparlamentair Koninkrijksoverleg – IPKO).  Durante e reunionnan di IPKO 2014 aki, representantenan di parlamento di Aruba, Hulanda, Sint Maarten i Kòrsou lo papia riba diferente punto di mutuo interes ku ta regardá e paisnan den Reino. Lo trata entre otro temanan ku tin di haber ku integridat di maneho, rasismo i toleransha den Reino, lo diskutí riba puntonan di enseñansa, energia, derecho di mucha i tambe riba e koperashon den kuido di salubridat públiko. Tambe lo diskutí kon pa utilisá mihó e posibilidat i benefishinan ekonómiko den Reino. Durante e bishita di trabou di e parlamentarionan, nan lo hasi un rekorido tambe na entre otro Carmabi Research Institute, Aloe Vera Plantation Curaçao i na Universidat di Kòrsou “dr. Moises F. da Costa Gomez”. E delegashon di Parlamento di Kòrsou ku lo partisipá na e reunionnan di IPKO 2014 ta señores Mike Franco (Presidente di Staten – PAIS), drs. Elmer Wilsoe (Presidente di Komishon – PS), Zita  Leito MBA (PAR), Alex Rosaria MBA (PAIS), Amerigo Thodé (MFK), ing. Charles Cooper (MAN),  Humphrey Davelaar (PNP),  Omayra Leeflang (Independiente), drs. Glenn Sulvaran (Independiente).  Djasabra 11 di yanüari e delegadonan lo terminá nan bishita di trabou na Kòrsou.