Otro inovashon pa temporada di Karnaval ku ta un “Parada di Baiskel ku Lus” ku lo tuma lugá djasabra 16 febrüari próksimo.

Fundashon JAG kier invitá bo pa kuminsá prepará bo baiskel, buska bo karchi pa asina partisipá huntu den un dushi ambiente anochi ku Lus. E siman aki tur dia keda pendiente na tur media pa spesial nan ku ta bai tin huntu ku algun gimmick tremendo.

E parada aki lo tuma lugá riba e mesun ruta di Karnaval, lo sali pa 6’or di atardi pa 11’or di anochi. Karchinan ya ta optenibel na 24 uur uit de muur, Beep Beep, Mensing’s Caminada. E pakete ta kosta fl. 35,– ku ta inkluí bo T-shirt, mas 2 lus. Bo mes por dòrna bo baiskel ku mas lus.

Nos lo sali for di Pizza Hut, Sta. Maria kue e ruta di Karnaval, na SVB nos lo tuma un sosiegu di 30 minüt pa despues kontinuá e parada i terminá bek na Pizza Hut, Sta. Maria. Djabièrnè 15 febrüari nos lo entrega e pakete na TAPIRAMA, riba Jan Noorduynweg, presentá ku bo karchi pa por risibí bo Pakete. For di 3’or di mèrdia te ku 7’or di anochi.

Keda pendiente tambe pa nos gimmick hinter e siman aki !!!!!