CHIPPIE KU TREMENDO KAMPAÑA PA FIN DI AÑA

Kòrsou, 9 di desèmber 2013 – Chippie a lansa su tremendo kampaña pa fin di aña, ‘2 Minutes for 365 days of Christmas’ kaminda klientenan Chippie prepago i postpago di Kòrsou i Boneiru ta djis papia dos minüt òf mas pa kualke destinashon ku nan Chippie den un yamada i asina fásil nan ta risibí e chèns pa gana premio tur dia i tambe nan lo ta den e tómbola digital pa gana premio tur siman i tambe e dos premionan grandi na final. E great ta, ku tur e premionan aki ta konta pa henter aña 2014. Pa e kampaña di fin di aña aki, Chippie a pone un diversidat grandi di premio disponibel manera por ehèmpel: diferente modèl di smartphones kombiná ku un Chippie prepaid bundle pa henter aña, televishon ku pakete di TDS pa henter aña, internèt ku spit haltu inkluso liña di telefon mas e instalashon pa henter aña, tablet ku servisio di 4G+ pa henter aña i hopi mas. Pa chèri riba e bolo, tin dos premio grandi i gordo na final:

1. 1 aña di servisionan di UTS i artíkulonan fabuloso na un balor total di ANG 15.000.
2. ANG 10.000 kèsh

E kampaña aki ta bálido di 6 di desèmber 2013 te ku 27 di desèmber 2013 pa klientenan residenshal i komersial di Chippie pre- i postpago di Kòrsou i Boneiru. Pa partisipá pa gana tur e premionan fabuloso aki ta masha fásil! Klientenan mester djis hasi un yamada di 2 minüt òf mas ku nan Chippie pre- òf postpago i pa kada yamada di 2 minüt, Chippie ta regalá nan un lòt digital, kual nan lo risibí outomátikamente. Mas yamada di 2 minüt bo hasi, mas lòt digital bo ta haña i mas chèns bo tin pa e gana premio. Pa por kontrolá e kantidat di lòt digital aki, klientenan por manda un SMS na 2013 (ta kompletamente grátis) indikando e palabra XMAS. Por hasi yamada pa kualke destinashon i tambe for di kualke destinashon (roaming) ku bo Chippie. Yamadanan den un CUG (Closed User Group) di klientenan komersial ta ekskluí den e kampaña aki. Despues di kada rifa di dia i tambe esun di siman, 1 kliente lo risibí un yamada di telefòn, indikando ku e ta e ganadó di dia òf esun di siman. Mester bisa ku tur kliente ku partisipá den e kampaña aki, hasiendo un yamada di 2 minüt òf mas ku nan Chippie, ta partisipá outomátikamente pa e premio di siman i tambe e dos premionan grandi na final, sea ku nan a gana premio di dia òf di siman òf no. Klientenan ganadó di Kòrsou, mester akudí na ofisina di UTS na Berg Arrarat 1 i esnan di Boneiru na Kaya Caracas 2, di djaluna pa djabièrnè durante oranan di ofisina (8’or am pa 5’or pm), pa reklamá nan premio. Tèrmino i kondishonnan di e kampaña aki ta optenibel na tur UTS Store i tambe riba www.uts.cw. Pa mas informashon i reglanan di kampaña, bishitá www.uts.cw òf por yama 9242. Si ainda bo no tin bo CHIPPIE, pasa na un di nos UTS Storenan awe mes i kumpra di bo pa bo no keda afó! Ta ku bo Chippie so, aparte di e mihó servisio, tarifanan, kobertura i ofertanan, bo por gana premionan tremendo asin’aki. Anto tur esaki, DJIS hasiendo uso di bo Chippie. Ta na UTS so, bo kompania nashonal di telekomunikashon, esun 100% di pueblo, bo ta YEGA I HAÑA TUR KOS.