Willemstad, Korsou – (21 di Mei 2014) – Pan-American Life Insurance Group (PALIG), un kompania renombra ku ta suministra servisio riba tereno di seguro I asuntonan finansiero den henter e kontinente Merikano y den Karibe ta organisa fin di e luna aki un di su konferenshanan mas prestigioso, Pesident’s Club, aki na Korsou. Mas ku 350 di e miho bendedonan di e kompania ku ta bini di e kontintente Merikano y di Karibe huntu ku un kantidat di ehekutivonan klave inkluyendo presidente di direktiva I CEO, Sr. Jose S. Suquet, lo partisipa na e evento aki ku ta dura 4 dia. “Nos kanalnan di benta ta forma e pila di nos kompania”, asina Sr. Suquet ta bisa. “Nada no ta sosode den nos kompania te ora ku e aplikashon firma ta aden. Konferenshanan manera e President’s Club, ta un forma pa nos rekonose nan pa nan prestashon ekstraordinario I pa nan kontribushon ku nan ta brinda na e eksito di nos kompania”. Korsou, e sentro regional pa Pan American Life den Karibe Hulandes, a hanja e preferensha riba un kantidat di e suidatnan Norteamerikano pa ta anfitrion di e President’s Club e anja aki”. “No ta solamente un isla bunita,  pero Korsou ta hunga un rol krusial den kresementu den e region aki, segun Sr. Suquet. “Spesialmente riba e tereno di merkadeo kolektivo, internashonal I aktividatnan di merkadeo pa masa”. Pan-American Life ta aktivo den teritorio Karibense desde 2012 i a posishona su mes direktamente riba merkado i a risibi den 2013 e “World Finance Insurance Award for Best Life Insurance Company, Caribbean”.  Pa sigui desaroya e eksito aki, Sr. Valery Sinot a keda nombra na Desember 2013 komo Gerente General y Representante Prinsipal pa Karibe Hulandes. Sr. Sinot lo supervisa i implementa e plan strategiko pa asina e kompania sigui krese finansieramente. Introdukshon di produktonan nobo ta un parti importante di e strategia di kresementu. Asina tin plannan kaba  pa introdusi na Korsou i resto di Karibe Ulandes “Pan-American Private Client”, un seguro medico uniko internashonal. E servisio aki ta posibel dor di un ret ekstenso di dunado di servisio medico i kontrali na otronan kompanianan tin e bentaha di ta presente riba e islanan. Segun Sr. Sinot: “Pan-American Life ta un kompania prominente i finansieramente stabil. Esaki ta bini tambe dor di e solushonnan inovativo riba tereno di seguronan di bida, aksidente I malesa.” “Tin un tremendo konosementu y ekspertisio denter di e kompania I nos por brinda nos klientenan un servisio optimal pa medio di nos ret  fuerte di agente i ampliashon di nos ret di broker.”