Willemstad, Curaçao — (5 di yüni 2014) — Jose Suquet, Presidente i CEO di Pan-American Life Insurance Group (PALIG), un provedo lider den seguro i servisio finansiero den henter Amérika,despues di un siman eksitoso yena ku aktividat ku a inkluí e prestigioso konvenshon pa produktornan, a konfirmá e kompania su bista positivo riba kresementu na Kòrsou i henter e área di Karibe Ulandes. “Nos ta mira bon potensial pa krese negoshi den e hurisdikshon aki i nos ke hasi bon uso di e oportunidatnan aki” Suquet a bisa.  “ Ku Bill Schultz huntu ku nos, komo CEO i Gerente General pa Karibe i Valery Sinot aki na Kòrsou nos tin konfiansa ku e tim ta na lugá pa hasi Karibe Ulandes un mashin fuerte den nos operashon regional.” Suquet, huntu ku mas di 350 asina yama “ producers”  i ehekutivonan di henter e operashon di Pan-American Life a yega Kòrsou siman pasa pa un konvenshon tokante benta na Santa Barbara Beach and Golf Resort.  “ E famia di Pan American Life a gosa di e hospitalidat di Kòrsou i tabata un oportunidat úniko pa tur esnan ku ta traha direktamente ku nos operashon den Karibe pa eksplorá e isla i diskubrí  kiko Kòrsou tin pa ofresé.” Djasabra último e partisipantenan na e konvenshon a saka tempu pa huntu ku empleado i agentenan di Pan-American Life na Kòrsou a tuma un mainta pa hasi trabou komunitario na Sint Joris school.  Huntu, repartí den vários tim,  a ferf murayanan, planta mata rònt e kura di e skol i a repartí artíkulonan di skol miéntras e muchanan di e skol mes tabata pinta i gosa di otro aktividat manera e.o pintamentu di kara. “Pan- American Life ta komprometé pa ta un suidadano korporativo aktivo den tur komunidatnan kaminda nos tin negoshi, “ Suquet a bisa.  “Esaki ke men ku nos ta hasi lo máksimo pa tin un impakto positivo riba e hendenan ku ta biba i traha den e paisnan ku nos ta sirbi.” Den su diskurso na okashon di e di 34 konferensha anual di Seguronan di Karibe  djaluna 2 di yüni, Suquet a deskribí e retonan ku e industria di seguro di Karibe ta konfrontá pero a enfatisá ku aplikando e strategia apropiá, e retonan aki por keda transformá den negoshi ku ta trese dividendo. “ E punto importante ta kresementu i ganashi sostenibel riba término largu” Suquet a bisa.  “Pa Pan-American Life, logra esaki ke men keda fiel na nos balornan primordial i kompromiso.  Nos ke retené nos fortalesa finansiero i konsolidá nan posishon lider den merkado doméstiko Merikano, di e grupo internashonal i nos linea di negoshi Global Life; miéntras nos ta keda ofresé seguridat finansiero i trank ilidat mental na esnan ku ta sigurá serka nos.