Riba 18 di novèmber 2015 Greenkidz a presentá su promé pakete di lès ‘Plèstik i Resiklahe’ na públiko. Lo pone e plan di lès modèrno aki, den dos idioma, grátis i permanentemente disponibel na enseñansa di fundeshi i e lo siña mucha pakiko plèstik ta asina dañino pa medio ambiente i kon bo por resiklá na Kòrsou. Último tres luna a ehekutá e lèsnan di GreenKidz, ku koperashon di tur direktivanan di skol, masha eksitosamente na seis skol di enseñansa di fundeshi i lo tene nan na hopi mas skol den e aña binidero. E pakete di lès ta forma parti di un pakete mas amplio di ekskurshon bèrdè, lès di wéspet den klas, un website i un fiesta di kita sombré di GreenKidz Award ku ta inspirá mucha lokal pa anda ku medio ambiente na un manera kouteloso i responsabel. Kreadónan di GreenKidz Maya Mathias i Ivonne Zegveld, ta mira bèk ku hopi satisfakshon riba e promé aña di GreenKidz, kaminda a nominá nan proyekto tambe pa e Sustainable Innovation Award 2015 di Kòrsou.

Material pa lès moderno i lokal

Zegveld: ‘Tin nesesidat di edukashon di medio ambiente i material di lès moderno na papiamentu ku ta konektá ku e mundu ku e muchanan na Kòrsou ta bib’aden. Gustosamente nos ke proveé esaki. Na tur skol nos ta ripará kon entusiasmá e muchanan ta i kuantu pregunta ta hasi tokante sushamentu di medio ambiente i resiklahe. Den un aña GreenKidz a krese bira un moveshon bèrdadero kaminda mucha, skol i hopi boluntario aktivamente ta empeñá pa un Kòrsou mas bèrdè, limpi, salú i seif, di spònser pa fondonan i komèrsio lokal. E spònsermentu ei ta krusial, pasobra nos ta haña ku tur nos aktividatnan i materialnan di lès pa mucha i pa skol semper mester ta disponibel grátis.’

Lansamentu di e Revista pa Mucha

E proyekto ta sigui kore sigur dos aña mas. GreenKidz, huntu ku su partner ofisial ‘Curaçao Clean Up’, tin hopi plan ainda. Mathias: ‘Otro aña nos ke alkansá mas skol i banda di un pakete di lès nos ke invertí den un buki di lès na papiamentu tokante kuido di medio ambiente i resiklahe i un revista di GreenKidz pa tur mucha di 9 pa 12 aña na Kòrsou. Nos lema di GreenKidz ta ‘Turn your world around’. Ku un tim di GreenKidz ku ta krese i un kantidat di spònser duradero ku ta krese, nos ta traha na konsientisashon, edukashon di balor di nos propio hubentut i na un kambio bèrdè di mentalidat, ku na Kòrsou ta masha nesesario.’

Mas informashon

Pa mas informashon mira e página di Facebook greenkidzcuracao òf tuma kontakto ku Ella Rosa 5651570 òf ella@greenkidz.org..org.