E meta di e projecto ta pa haci limpieza di nos costa y beachnan rond di Aruba y alavez pa recauda fondo pa por cubri gastonan di campaña di consientisacion tocante e conservacion y limpieza di nos medio ambiente valioso.

E costanan ta bay ta: California Dunes, Druif patras di light house, Wariruri, Baby Beach/ Nanky Country Club, Bachelors Beach, Boca Grandi, Zeewijk Beach, Mangel Halto, Santo Largo, entre Bushiri beach i Tamarijn Beach, Arashi, California Dunes, Anaboei, Grapefield, Natural bridge, Andicuri. Nos lo bishita e beachnan aki dos siman prome cu e cleanup pa constata cu si ainda nan mester apoyo of si nos tin cu adapta e lista. A base di esaki, e gruponan lo wordo asigna.

E aña aki e fecha pa e cleanup a wordo fiha riba diasabra, 12 di november di 8:00 am te cu 10:00 am y ya caba ta conta cu participacion di 15 skolnan, inscripcion pa skol a sera caba diabierna siman pasa.

ULTIMO DIA PA INSCRIBI PA PUBLICO EN GENERAL, GRUPONAN Y ORGANISACIONAN TA BAY TA DIALUNA 24 DI OKTOBER no mas laat cu 2 pm.

Por yama na AHATA tel 582-2607 y puntra pa Vanessa of via e-mail vanessa@ahata.com of Erica intern1@ahata.com ta pidi cooperacion di henter nos comunidad pa duna un man. Tambe mester di boluntarionan cu pick-up, truck cu aanhangwagen pa yuda hiba e saconan di sushi cu ta wordo recohi pa tira den e containernan.

E campaña di e di 15 limpieza di nos costa fundraiser no por ta posibel sin e apoyo di sponsors, comunidad en general. Sin lubida tur e participantenan di skolnan, hotelnan, organizacionan y e apoyo tremendo di medionan di Prensa.

Nos ta conta cu henter e comunidad su sosten pa haci e campaña aki atrobe un exito rotundo. Pa mas informacion por yama Vanessa Rasmussen na AHATA 582- 2607 of via email vanessa@ahata.com.