Pabien na sr. Heinrich J. Martina

WILLEMSTAD/ DEC 2017–  Ayera sr. Heinrich Martina, a gana e di 137 outo di Carnaval Casino.  Sr. Martina  a purba su suerte ku apénas $0.90 i bai ku e bunita Kia Cerato ku pa vários siman tabata riba e plataforma na Carnaval Casino.  Mesora hostessnan a aserk’é pa felisit’é i naturalmente selebrá e momentu ku a bai kompañá ku un bríndis.  E fin di aña aki, Carnaval Casino tin diferente kampaña; un di nan ta esun riba nan página di Facebook na unda un fanátiko lo bira ganador di un chèns úniko di por drenta den e popular Cash Cube ku 9,000 florin na su disposishon. Loke mester hasi ta ‘like’ e página di Facebook di Carnaval Casino i keda pendiente pa 22 di desèmber dia saka premio.  Dia 23 di desèmber e ganador lo drenta e Cash Cube.