Ta anunsiá kampaña ‘BUZZ’: $4000 kèsh durante 4 siman Carnaval Casino!

WILLEMSTAD/ Yüli –  Carnaval Casino ta sigui ku su yobida di premio! E siman ta sera ku un ganador pa un otro KIA Cerato Koup nobo nobo! Sra. Ifna Hanst tin basta dia ta ‘mik’ riba e outo. Despues di rekreá un ratu purbando ku apénas $1 e mashin a saka e zonidonan popular pa anunsiá ku Sra. Hanst a gana e KIA Cerato Koup full ekipá. Mesora ehekutivonan di Carnaval Casino a aserká pa brinda ku shampaña i selebrá e momentu spesial. Masha pabien! Carnaval Casino ta sigui sobresalí ku kampañanan atraktivo pa hasi su klientenan ganador di diferente premio, sea ta un outo nobo òf premio kèsh. Den e kampaña nobo, BUZZ Carnaval Casino lo repartí $4000 na premio kèsh, esaki durante 4 siman konsekutivo! Motibu sufisiente pa sigui  bishitá e casino mas popular riba nos isla.

Pa partisipá ta fásil; hungando riba e slòt mashinnan di Carnaval Casino e miembro ta risibí un kupòn pa kada 15 punto akumulá riba su karchi di miembresia. Hungadónan di wega di mesa tambe por partisipá risibiendo un kupòn pa kada kombinashon- esaki ta dependé di e wega. Ta bon pa menshoná ku e puntonan no ta wòrdu dedusí for di e total. Lo tin rifa djasabra 18 di yüli, djasabra 25 di yüli i djasabra promé di ougùstùs pa 9’or. Ademas di esaki Carnaval Casino ta duna dòbel punto riba e dianan menshoná entre 12’or di mèrdia i 6’or di atardi. Kòrda tuma nota ku tur esnan ku a depositá nan kupòn den e buzon na Carnaval Casino lo mester tei presente durante di e sorteonan ku un identifikashon bálido. Pa mas informashon tokante reglanan di e kampaña òf pa bira miembro por akudí na e “Players Center” den Carnaval Casino òf yama 435-5089. Carnaval Casino ta habrí tur dia for di 10’or di mainta te 4’or di mardugá ku posibilidat pa parker bo outo grátis. Kampaña ta válido te ku promé di ougùstùs.