Djadumingu dia 26 di ougùstùs Fundashon Pro Bista a organisá un tremendo Knock out di Domino. Dies team di dominó a kompetí kontra otro pa wak ken lo a sali kampion di e aña aki. Kampion di e aña aki a resultá Brasami ku a bin e aña aki desidido pa konkista nan titulo di dos aña pasa bek. Na di dos lugá a resultá Hot Travel Domino Club. Na di tres lugá a resultá e tim di Domino di Kabuya Snack. E team mas disiplina ku ambiente spòrtif a resultá The Fun Club. E duo ku a parti e promé sapatu blanku a resultá: Roland Castillo I Fabien Seraus

E aña aki tatin un kompetensia tambe di pareja. E ganadonan di esaki a resulta: Irving Gonzalez I Timotheus Sannen.

Ambiente tabata hopi dushi riba e djadumingu aki. Pro Bista por mira bek riba un aktividat eksitoso i otro aña lo tin e knock out un bes mas.