Willemstad – Ta ku gran orguyo Maduro & Curiel’s Bank ta introdusí su servisio nobo i inovativo FuelUp. FuelUp ta un servisio pa kumpra gasolin òf gasoil 24/7, ku tarheta di Kompa Leon òf Maestro na pòmp di gasolin, sin intervenshon di un kahera. FuelUp ta un servisio rápido, konfiabel, inovativo i fásil pa e kliente.

Ku e sistema di FuelUp e kliente no mester bai na kahera mas. E kliente ta bai na e pedestal di FuelUP mas serka di su outo, hinka su tarheta di Bankomatiko/Maestro di MCB, tarheta Maestro di Girobank òf VidanovaBank òf su tarheta di Kompa Leon, skohe number di pòmp, hinka montante i PIN den kaso ku ta Maestro. Unabes e transakshon ta aprobá, FuelUp ta konektá direktamente ku e sistema di e negoshi i e pòmp ku e kliente a indiká. Den un tempu rèkort bo por yena gasolin òf gasoil na balor di e montante deseá. Na final di e proseso e kliente por imprimí su komprobante na e pedestal di FuelUp.

E sistema akí ta hasi e proseso di transakshonnan di tarheta bai mas lihé i sigur. Tambe e ta fasilitá e kliente su eskoho pa hasi kompra di gasolin òf gasoil 24 ora pa dia i shete dia pa siman.

Por hasi uso di FuelUp na Grand Central na Otrobanda, Pompstashòn Sta. Maria 24 uur uit de muur i e pòmpstashonnan di ASOgas na Saliña, Parera, Punda, Tera Kòrá, i pronto mas.

Aktualmente por usa Bankomatiko/Maestro di MCB, tarheta di Maestro di Girobank òf VidanovaBank pa FuelUp. Pronto tarhetanan di otro bankonan tambe lo wòrdu aseptá na FuelUP.

FuelUp ta otro servisio inovativo, rápido i kumbiniente di Bo Banko Amigu pa hasi bo bida mas fásil i plasentero.

FuelUP i gana ku MCB:

Spesial pa klientenan di Maduro & Curiel’s Bank ku hasi uso di FuelUp pa yena gasolin òf gasoil, durante lunanan di aprel, mei i yüni, tin chèns di gana bèk e montante ku nan a yena, te un máksimo di NAf 75,-. Pa mas informashon sigui e Facebook page di MCB Curaçao i MCB BankCard Services. Komprobá pa bo mes kon fásil FuelUP ta!