Subway ta felisitá Sorsaka Bikers

Willemstad, Kòrsou- SEPT 2018: Resientemente Sorsaka Bikers a tene nan anual ‘Sorsaka Vlakte Race’.  E aña aki e klup di siklismo ta selebrando nan 15 aniversario. E kareda di mountain bike a kuminsa i kaba riba lugá di parker di Curinde Freezone na Hato. Tur siklista for di 6 pa 55+ aña tabata por a partisipá. Mester bisa ku e aña aki por a konta ku un gran kantidat di siklista ku a hasi e ‘Sorsaka Vlakte Race’ un biaha mas un gran éksito.

E ganadónan a resultá; den kategoria Junior, Leonardo Servage, Shentrick Valks, Max Bakker, Olle Colembrante, Brit Bakker, Jeanisa Rosinda i Julia Wolf. Den kategoria di ‘beginners’ tabata Giovanni Frans i kategoria damas Nathalie Nelemans. Den kategoria Masters C, Manrique Lodewijks a terminá na promé lugar. Pa Masters B tabata Rinke Karman, den Masters A tabata Berry Poort i finalmente den kategoria Elite tabata Faisel Camelia.  For aña 2013 ta organisando e ‘Vlakte Race’ ku hopi éksito, pues e aña aki a selebrá e promé lustro di e kareda aki.   Subway ta felisitá tur partisipante! Pa mas informashon tokante di Sorsaka Bikers i pa imágennan di e ‘Subway Vlakte Race’ por bishitá https://www.facebook.com/sorsakabikers/