“E demanda ta haltu pa un smartphone mas ekonómiko”

WILLEMSTAD, Kòrsou- Febrüari 2015: Fin di siman tras di lomba Digicel a tene otro eksitoso roadshow. Djasabra último Digicel tabata na Brionplein; un kantidat grandi di hende a akudí pa probechá di tremendo ofertanan ku tabata tin e fin di siman tra’i lomba. “Nos tabata tin dos dia ‘den bario’ na unda ku nos a yega mas serka di nos klientenan. Kada oportunidat pa interakshon ku e kliente ta importante. E fin di siman aki klientenan a demostrá un bes mas ku e ofertanan ta sensashonal di bèrdè mes”, esaki di akuerdo ku srta. Thessa Fleming di Digicel.  Djadumingu e roadshow a sigui na Montaña dilanti di Heartbeat wellness center. A bende un kantidat grandi di telefon durante di e dos dianan di e roadshow. Thessa Fleming a sigui komentá, “Nos ta sigui ripará ku e demanda pa telefonnan un poko mas ekonómiko ta hopi grandi. Un smartphone manera Alcatel C1 i Digicel DL 750 ta atraktivo na preis, ‘fit’ tur budgèt i ta hasi tur loke un telefon ‘inteligente’ mester hasi pa e usuario. Ademas di esaki e kliente a risibí krédito pa yamada. Pues realmente ámbos telefon ta un bon dil! Klientenan mester keda pendiente pa mas oferta e temporada aki”. Keda konektá ku amigu i famianan e temporada aki tambe ku Digicel. Kompartí potrèt, músika, goso i ambiente- ku un di e telefonnan den oferta. Kòrda ku Digicel ta ofresébo e aplikashonnan di Facebook, Wikipedia i Whatsapp grátis. Ademas di esei tin mas servisio ku te benefisiá e kliente, manera Credit Advance i Roam Like You’re Home. Tur esakinan awó ta fásil pa aktivá ku e menú nobo di aktivashon *123#. Keda pendiente pa e próksimo Digicel Roadshow.