Selebrashon 40 aniversario i  proyekto di sosialisashon

Willemstad- Desèmber- 2015: 40 aña ta kos di selebrá! Esaki mes ta motibu ku Pizza Hut no a basilá pa regalá Organisashon Beisbòl Montaña nan sena di selebrashon. Durante 40 aña largu e organisashon aki a pèrkurá pa muchanan i hóbennan di minor i little league praktiká nan deporte preferí, ademas di esei den forma determiná a bin ta traha pa rekoudá fondo pa e organisashon. Djadumingu 13 di desèmber último 36 persona, repartí den 30 mucha ku edat entre 7 pa 12 aña i 6 adulto a disfrutá tur ku tin na Pizza Hut Saliña.

Tabata un momentu agradabel pa mira e muchanan sosialisá, rekreá i alabes kome i bebe nan barika yen. Di akuerdo ku representante di Pizza Hut,”Esaki ta un temporada pa selebrá, fin di aña semper tin motibu èkstra pa nos kompartí ku otro.  Nos ta masha kontentu di por a kontribuí na e proyekto aki. Kuarenta aña di dedikashon na formashon deportivo di hubentut ta meresé un aplouso. Pizza Hut ta kontentu di por a sostené e proyekto di Organisashon Beisbòl Montaña”.