Na e pueblo karnavalista ku ta pendiente pa e wikènt largu di Marchanan di Karnaval, Coridja Stars Productions kier a informa di e diferente orarionan di salida di e diferente marchanan di Karnaval ya asina tur hende ta na altura pa asina nan tambe por plania.

Pa loke ta djabiernè awor 5 di febrüari e Marcha di Tiner lo sali 6 or atardi na e krusada Winston Churchilweg, Rooseveltweg na altura di e lusnan di tráfiko.

Djadumingu 7 di febrüari Gran Marcha tambe lo sali na e krusada Winston Churchilweg, Rooseveltweg na altura di lusnan di tráfiko i lo Sali 11 or di mainta. Djaluna 8 di febrüari Marcha di despedida Hubenil e marcha lo sali 3 or di atardi na Plaza Hariri.

Djamars 9 di febrüari Marcha di Depedida lo sali 6 or di atardi, pa 12 or lo kima Rei Momo i yama ayo na Karnaval 2016, pero prome ku esey lo rindi un homenahe póstumo na un di e baluartenan di Karnaval 2016 Herodini kaminda su yu muhé lo risibí un plaka di rekonosementu promé ku kim’é Momo.

Tur esaki lo tuma lugá den Stadion Johnny Vrutaal antes Stadion di Rif. Tur esnan enteresá por akudí den stadion pa nan por presensta tantu e akto di homenage i e kimamentu di Rei Momo