WILLEMSTAD – DESÈMBER 2022: OP=OP  Voordeelshop Kòrsou ta kumpli 5 aña di eksistensha. Op=Op kier selebra esaki djasabra, 3 di desèmber ku komunidat di Kòrsou i nan kliente fielnan.

Den e 5 añanan aki nan a krese i bira un kompania ku ta fasilitá komunidat ku produktonan di kalidat na preisnan kumbiniente.

Op=Op Kòrsou a habri su portanan na aña 2017 i semper a sa di sirbi su klientenan  produktonan di kalidat i na bon preis.

Dia 3 i 4 di desèmber lo bai tin diferente aktividat i sorpresanan tremendo pa nan klientenan.

E promé shen klientenan ku hasi un kompra ta risibí un sorpresa. Banda di esaki tambe lo tin ofertanan atraktivo i un grabeltòn kaminda por gana diferente premio.

Komunidat di Kòrsou ta bon bini pa bin selebrá huntu ku Op=Op su 5 aña di eksistensia dia 3 di desèmber di 9 AM pa 6 PM i dia 4 di desèmber di 10 AM pa 2 PM na nan filialnan na Caracasbaaiweg i Rooseveltweg.