Djabierne tabata un gran dia pa Fundashon Kòrsou Kontentu unda pa hopi tempu kaba por a kuminsá mira e desaroyonan rondó di e kas ku lo wòrdu rifá. Djabièrnè último nos tabata tin e grato plaser pa invitá nos amigunan di prensa i algun invitado mas pa ta e proménan pa mira e kas  kompletamente kla.

Ku sumo plaser nos por a presentá e kas ku henter e pueblo di Kòrsou tabata warda riba dje. Fundashon Kòrsou Kontentu a hasi su máksimo pa por duna e ganador un kas moderno, grandi, espasioso i kompletamente mueblá. Aparte di e kas e ganador lo risibí un Kio Rio Sedan 2018 i tambe un kantidat di premio adishonal. Fundashon Kòrsou kontentu ta mira esaki komo un logro grandi ya ku e idea aki tin 5 aña kaba poné komo un plan i awor porfin por a hasi esaki bira un realidat. Nos ta gradesido na prensa ku a sostené e proyekto aki i tambe na e tim grandi ku semper a hasi lo máksimo pa kristalisá e proyekto.

Nos ke yama un danki tambe na henter e pueblo di Kòrsou pa aseptá e  proyekto aki ku brasanan habri. Paso ta huntu nos ta traha pa hasi Kòrsou kontentu. E kas lo ta habri pa públiko tur djasabra i djadumingu di 10’or pa 4’or pues nos ta invitá henter pueblo di Kòrsou pa pasa libremente i hasi un bishita i si bo no a logra pa kumpra bo lòt ainda nos lo tin esakinan tambe na benta. Tambe nos ke kòrda bo ku si ainda bo no a logra kumpra bo lòt pa hasi bo soño realidat i haña e chèns di gana e kas aki pa kambia bo bida pa semper. Bo tin e oportunidat di hasi esaki te ku dia 30 sèptèmber mainta pa hasi esaki. Fundashon Kòrsou kontentu ta konsehá e pueblo di Kòrsou pa kumpra nan lòt na tempu pa si bo tin un kombinashon di number spesífiko  bo por haña esaki.

Un danki atrobe di kurason.