Haci bo cita na Aruba Bank ki ora y for di unda cu ta

ORANJESTAD, 20 di Juni, 2018: Pa yuda bo spaar tempo, Aruba Bank ta introduci e opcion di self-service nobo, e-Appointment. Awor tur persona cu mester bishita un di e sucursalnan di Aruba Bank tin tempo pa planea su bishita ora ta cumbini’e y por scoge e sitio cu e ta prefera, for di e comodidad di su cas of oficina. E opcion online ta disponibel uzando cualkier computer, tablet of Smartphone. Pa haci un cita sigui tres (3) stap simpel:

1. Bishita arubabank.com;
2. Click ariba e icono di “e-Appointment”;
3. Yena e rekisitonan cu abo ta desea via e e-Appointment.

E opcionnan den e e-Appointment ta inclui:
Habri cuenta nobo, haci cambio na bo informacion di Cuenta, aplica pa prestamo di auto, aplica pa prestamo di hipoteca, aplica pa prestamo personal,  aplica pa “overdraft” y traha cita cu departamento di Platinum Banking, entre otro.

Aruba Bank ta invita bo pa gosa di Un Experiencia Superior! Bishita www.arubabank.com. Pa keda bon informa di tur novedad cu Aruba Bank ta introduci, sigui nos ariba https://www.facebook.com/Arubabank/  y riba Instagram na @arubabanknv.