WILLEMSTAD – Djarason anochi e projekto musikal nobo ku ta karga e nòmber ‘ONE’ a tene nan konferensha di prensa ku a tuma lugá na Riffort Village. Primeramente ONE kier a hasi uzo di e oportunidat aki pa gradisí pueblo di Kòrsou, Aruba, Boneiru, Hulanda y Reino kompletu pa e entusiasmo ku a keda demonstrá for di na inisio. Fanátikonan di e diferente kantantenan ku ta forma parti di ONE a mustra hopi interés sin ni sikiera a tende e promé tononan di e agrupashon musikal.
Kiko ONE ta para pe?
ONE ta un projekto musikal ku a nase for di e gritu eksistente pa algu distinto den farándula aki na Kòrsou. ONE lo brinda un variedat di músika di diferente genero. For di Salsa, Merengue, Bachata, Zouk, Ritmo Kombiná i Urban. Loke ta hasi ONE diferente ta e aspekto ku otro kantantenan ta bon bini pa djoin nos kantantenan den kolaborashon musikal.
E focus di ONE ta pa krea y mantené un sinergia musikal entre artistanan den farándula di Korsou y Reino Hulandes. ONE ta kla pa brinda un variedad di musika riba un nivel indiskutibel, kaminda e talento di e artista ta para sentral.

Elite Productions di Aruba huntu ku One Million Productions di Korsou a uni forsa pa por krea algu diferente. Un otro projekto di ONE ta OUV, ku ta para pa ONE URBAN VIBES.
Mas informashon tokante OUV lo sali pronto. ONE lo debutá dia 8 di yüli na Aruba huntu ku Buleria. Dia 15 di yüli ONE lo presentá un konsierto grandi pa e dushi pueblo di Kòrsou. Siguí pa e debut di ONE na Boneiru dia 5 di sèptèmber. E eskoho pa realisa e debut na Aruba ta enkonekshon ku e di tres (3) aniversario di Buleria.  Sigui nos via e sistema di retnan soshal Facebook y Instagram: “OneCuraçaoMusic” pa e delaster desaroyo nan rondó di ONE.

ONE tey pa TUR hende, sin eksklui niun genero.

Pueblo di Kòrsou, Aruba, Boneiru y Hulanda…..We are ONE! Just…….One New Experience!