Celebrando 10 aña

ORANJESTAD, Aruba – 11 di December 2016: Fanaticonan prepara pasobra esaki ta e aña di celebracion, e aña di explosion — NUTZBEATZ ta cla pa celebra su di 10 aniversario cu un tremendo presentacion riba 18 di december proximo den e nightclub di mas nobo riba nos isla , Emotinos. Un anochi di vibracion electrico total. Hunto cu amigonan di NutzBeatz, esta DJnan Spike, Menasa, Da Ridlaz, Yeimy, Vibes, Sky y Kash lo percura pa un tremendo ambiente. E regalo pa e anochi aki ta: Tur mucha muhe ta drenta gratis prome cu 12’or di anochi.

Eldrick Boekhoudt (Nutzbeatz), naci na Aruba, a crece y bira e DJ di musica electronico mas grandi den Caribe Hulandes, cu varios presentacion haci den paisnan Latino Americano (specialmente Venezuela), Merca, Corsou, Chile, Boneiro y mas.

Na aña 2013 el a firma cu Dirty Dutch y awor ta forma parti integral di e grupo aki, haciendo presentacionnan den region Latino Americano. Ya caba el a toca cu DJnan grandi manera DJ Chuckie, Sunnery James, Ryan Marciano, Nero, Erick Morillo, Hardwell, Fatboy Slim, Dimitri Vegas, Sidney Samson, Afrojack, Shermanology, Nicky Romero y asina por sigui menciona. Tambe el a toca entre algun di esunnan di mas grandi di musica electronico na Mystery Land na Chile y Electric Festival na Aruba, entre otro.

Pa por sigui Nutzbeatz por subi e siguiente linknan pa ta bon informa: www.facebook.com/nutzbeatz; www.instagram.com/nutzbeatz; www.twitter.com/nutzbeatz; www.soundcloud.com/nutzbeatz; www.nutzbeatz.com y www.nutznation.com